Target PBB 2026 Munggah Dadi Rp 30,5 Miliar Tanpa Menaikkan Tarif, Bapenda Madiun Genjot Digitalisasi lan Pemutakhiran Data

Madiun-pesantrend.co.id Badan Pendapatan Daerah (Bapenda) Kabupaten Madiun optimistis bisa nggayuh target penerimaan Pajak Bumi dan Bangunan (PBB) ing taun 2026 sing mundhak dadi Rp 30,5 miliar. Senajan targete munggah, Pemerintah Kabupaten Madiun komitmen ora bakal menaikkan tarif pajak kanggo masyarakat.

• Keunggulan Plastik HDPE yang Membuatnya Banyak Digunakan Industri

• Rayakan HAN, KAI DAOP 7 Madiun Ajak Anak Disabilitas Naik Kereta Api Gratis dan Tampilkan Bakat

• Suara Gen Z dan Alpha Warnai Kebijakan Lingkungan Di Banyuwangi

​Kepala Bapenda Kabupaten Madiun, Yudi Hartono, ngandharake yen strategi utama sing disiapake yaiku ngraketake koordinasi karo para pemangku kepentingan (stakeholders) nganti tingkat desa lan kelurahan, sarta ningkatake edukasi lan pemutakhiran data objek pajak.

​"Strategi sing pisanan yaiku koordinasi karo stakeholders,  OPD liyane, Pak Camat, nganti tingkat Desa lan Kelurahan. Kaping pindo, kita proaktif ngewenehi edukasi marang masyarakat babagan pentinge pajak supaya tuwuh kesadaran lan kepatuhan saka wajib pajak," ature Yudi Hartono.

​Babagan efisiensi pemungutan pajak, Bapenda Kabupaten Madiun wis nerapake digitalisasi layanan ing kabeh 11 jinis pajak daerah liwat macem-macem kanal pembayaran, kalebu kerja sama karo e-commerce kaya Tokopedia lan panggunaan QRIS.

​Saliyane digitalisasi, pemutakhiran data objek pajak ing lapangan dadi kunci wigati kanggo meruhi owah-owahan fisik bangunan utawa lahan warga tanpa kudu menaikkan tarif. Pemutakhiran iki ditindakake kanggo nangkep potensi riil objek pajak sing ana ing masyarakat, umpamane lahan kosong sing saiki wis dibangun omah utawa tingkat.

​Menawa ana data SPPT (Surat Pemberitahuan Pajak Terutang) sing ora cocog karo kahanan ing lapangan, Yudi ngimbau marang masyarakat supaya ngajokake pembetulan liwat mekanisme resmi kanthi ngampiri surat pengantar saka desa utawa kelurahan setempat.

​"SPPT iki kan sebagian besar peninggalan data saka pusat. Yen ana owah-owahan fisik lahan kaya amarga bencana utawa penggerusan, warga bisa ngajokake pembetulan liwat desa utawa kelurahan, mengko tim kita bakal ngecek secara langsung," njelentrehake.

​Nalika ditakoni babagan wacana pemutihan denda pajek, Yudi negasake yen Pihake  ndulu perkembangan tingkat kepatuhan masyarakat dhisik. Pihake ati-ati supaya kabijakan pemutihan ora nggawe preseden ala kanggo warga sing suwene iki wis disiplin lan taat bayar pajek tepat waktu.

​Panjenengane uga nambahake yen asil saka pajak daerah iki bakal dikembalikan sepenuhnya marang masyarakat ing wujud pelayanan publik, pembangunan infrastruktur, pemberdayaan ekonomi, bantuan sosial, nganti alokasi bagi hasil pajak kanggo desa-desa. Kanggo desa sing berhasil mencapai pelunasan target PBB 100 persen, Pemkab Madiun uga nyiapake apresiasi utawa reward.